सर्व जबाबदारी जनतेवर टाकून मोदी मात्र नामानिराळे.

सर्व जबाबदारी जनतेवर टाकून मोदी मात्र नामानिराळे.

नवी दिल्ली, दि. ११ मे २०२६ ;

नरेंद्र मोदींनी पुन्हा एकदा आपली जबाबदारी झटकली आहे. देश आर्थिक संकटाचा सामना करत आहे. आणि येणारा काळ आणखी कठीण असणार आहे. निवडणुकांमुळे मोदींनी वेळेवर आवश्यक पावले उचलली नाहीत. आता, निवडणुकांनंतर, ते ही जबाबदारी जनतेवर ढकलून तिचा आनंद लुटत आहेत असा प्रहार लोकसभेतील विरोधी पक्ष नेते राहुल गांधी यांनी केला आहे.

पंतप्रधान नरेंद्र मोदींच्या आवाहनावर बोलताना राहुल गांधी म्हणाले की, पेट्रोल आणि डिझेल खरेदी करू नका • सोनं खरेदी करू नका • खतांचा वापर कमी करा • खाद्यतेलाचा वापर कमी करा असे म्हणत सर्व भार जनतेवर पडू द्या, आणि नरेंद्र मोदी मात्र ‘प्रचार मंत्री’ म्हणून मोकाट फिरत राहतील.

जनतेने संपूर्ण भार सहन करावा, तर तो मात्र केवळ एक ‘प्रचार मंत्री’ म्हणून इकडेतिकडे फिरत राहील. बांग्लादेश, श्रीलंका आणि मालदीवसारखे देश तयारी करण्यात व्यस्त असताना, आमचे नरेंद्र मोदी मात्र निवडणुकीचे खेळ खेळण्यात व्यस्त होते. हे संकट मोदींनीच आणले आहे; जसे ते कोविडच्या काळात निष्क्रिय राहिले होते, तसेच त्यांनी यावेळीही तेच केले आहे. आता देशाला आणि जनतेला मोदींच्या निष्काळजीपणाचे परिणाम भोगावे लागतील असेही राहुल गांधी म्हणाले..