महाराष्ट्रात एकाच दिवसात १२ लाखांना कोरोना लस
लसींच्या दोन्ही मात्रा देण्यात देशात महाराष्ट्र प्रथम
मुंबई, दि.४ सप्टेंबर :
कोरोना प्रतिबंधात्मक लसीकरण मोहिमेत ४ सप्टेंबर
रात्री ८ वाजेपर्यंत १२ लाख नागरिकांचे लसीकरण करून महाराष्ट्राने नवा विक्रम केला आहे. आज १२ लाख ६ हजार ३२७ जणांना लस देण्यात आली आहे.
राज्यात या लसीकरण मोहिमेत आतापर्यंत दिलेल्या एकूण डोसेसची संख्या ६ कोटी २७ लाखांवर गेली आहे. देशभरात उत्तरप्रदेश पाठोपाठ महाराष्ट्रानेही विक्रमी कामगिरी केली आहे.
२१ ऑगस्ट रोजी राज्यात एकाच दिवशी ११ लाख ४ हजार ४६४ नागरिकांना लस देऊन महाराष्ट्राने आतापर्यतची सर्वाधिक संख्या नोंदविली होती. आज ४ सप्टेंबर झालेल्या लसीकरण सत्रांमध्ये १२ लाख नागरिकांचे लसीकरण झाले आहे. लसीकरण कार्यक्रमातील हा आजपर्यंतचा विक्रम असून आरोग्य यंत्रणेतील सर्व घटकांच्या परिश्रमाचे हे फलित आहे, असे सार्वजनिक आरोग्य विभागाचे अपर मुख्य सचिव डॉ. प्रदीप व्यास यांनी सांगितले.
महाराष्ट्रात आजपर्यंत एकूण ६ कोटी १५ लाख १६ हजार १३७ लसींच्या मात्र देण्यात आल्या असून त्यात दुसऱ्या लसीची मात्रा देण्यात महाराष्ट्र देशात प्रथम क्रमांकावर आहे. कोविड प्रतिबंधक लसीकरणाच्या आज जारी केलेल्या एकत्रित अहवालानुसार महाराष्ट्रात १ कोटी ७१ लाख जणांना दुसऱ्या लसींच्या मात्रा देण्यात आल्या आहेत.
Leave a Comment