पूर्व विदर्भात पूरस्थिती; १४८ गावांना तडाखा.

नागपूर, 31 ऑगस्ट:

मध्य प्रदेशात झालेला मुसळधार पाऊस व त्यानंतर संजय सरोवरमधून पाणी सोडल्याने पूर्व विदर्भाला पूराचा फटका बसला आहे. चंद्रपुर, गडचिरोली, भंडारा, नागपूर जिल्ह्यातील नद्यांच्या पाणी पातळीत मोठी वाढ झाली आहे.   वैनगंगा नदीला महापूर आल्याने भंडारा,  गोदिया, गडचिरोली जिल्ह्यातील अनेक गावांना फटका बसला आहे. नदीकाठच्या गावातील लोकांना सुरक्षित ठिकाणी हलवण्यात आले आहे. मदत व बचावकार्या साठी एनडीआरएफ चे पथक आले आहे.
मंत्री विजय वडेट्टीवार, नितीन राऊत तसेच विधानसभा अध्यक्ष नाना पटोले यांनी आपापल्या जिल्ह्यातील पूरस्थितीची पाहणी केली.

पूर्व विदर्भातील १४८ गावांना पुराचा तडाखा बसला आहे. २७ हजार ७२१ पूरग्रस्तांपैकी १८ हजार २६१ लोकांना सुरक्षितस्थळी हलवण्यात आले आहे. नागपूर जिल्ह्य़ातील ५१, गडचिरोली जिल्ह्य़ातील ४, चंद्रपूर जिल्ह्य़ातील ६, भंडाऱ्यातील ५७ आणि गोंदियातील ३० अशा १४८ गावांतील २७,७२१ ग्रामस्थांना पुराचा फटका बसला आहे.