लोकप्रियतेच्या सर्व्हेत बावनकुळे प्रदेशाध्यक्ष नंबर वन !

मुंबई, दि. ५ जुलै :

महाराष्ट्र भाजपाचे प्रदेशाध्यक्ष बावनकुळे यांनी तब्बल २३ हजार १४० मते मिळवत तामिळनाडूच्या प्रदेशाध्यक्ष अण्णामलाई यांनाही लोकप्रियतेत मागे टाकले आहे. कालपासून सुरू झालेल्या या जनतेमधील सर्व्हेचा निकाल आज एक वाजता जाहीर झाला.

अण्णामलाई २१०८३ मते मिळवत अण्णामलाई दुसऱ्या स्थानी राहिले. दोन ते चार टक्के सतत पाठी-पुढे असे मागच्या २४ तासात दोघांमध्ये चाललेल्या “काटे की टक्कर”ला पूर्णविराम मिळाला तेव्हा तामिळनाडूचे प्रदेशाध्यक्ष अण्णामलाई यांना एकूण मतांच्या ४१ टक्के तर महाराष्ट्राचे भाजपा प्रदेशाध्यक्ष चंद्रशेखर बाबनकुळे यांना ४५ टक्के मते मिळाली.

“न सोऊंगा न सोने दुन्गा” अशा कार्यपद्धतीमुळे कार्यकर्त्यांमध्ये प्रचंड लोकप्रियता लाभलेल्या महाराष्ट्राच्या प्रदेशाध्यक्षांची “सर्वोत्तम प्रदेशाध्यक्ष” म्हणून न्यूज एरेना इंडियाकडून झालेल्या निवडीबद्दल कार्यकर्त्यांनी ठिकठिकाणी जल्लोष करत आनंद व्यक्त केला आहे.

न्यूज एरेना इंडिया पोलच्या सर्व्हेमध्ये महाराष्ट्राचे भाजपा प्रदेशाध्यक्ष चंद्रशेखर बावनकुळे यांच्यावर “द बेस्ट प्रेसिडेंट” चा जनमताचा शिक्कामोर्तब झाला..