रानभाज्या खा आणि रोगप्रतिकार शक्ती वाढवा!

रानभाज्या पावसाच्या सुरवातीला आढळून येत असून औषधी गुणधर्माने परिपूर्ण असल्याने आरोग्याच्या दृष्टीने अत्यंत उपयुक्त असतात. मधुमेह, मूळव्याध, डोकेदुखी, मुतखडा, हृदयविकार, पित्त, श्वसनाचे आजार, मानसिक थकवा, स्थूलपणा, हत्तीरोग, सांधेदुखी, अतिसार, अपचन यासारख्या विविध विकारांसाठी या रानभाज्या खाणे हितकारक आहे.
यातील गुळवेल ला मात्र मोठी मागणी आहे. कारण
गुळवेलमध्ये अँटी ऑक्सिडेंट्स, अँटी इन्फ्लेमेट्री गुणधर्म आहेत. यामध्ये ग्लुकोसाइड, फॉस्फोरस, कॉपर, कॅल्शियम, झिंक आणि मॅग्नेशियम यासारखे खनिजे देखील आहेत. हे घटक आपल्या आरोग्यासाठी उपयुक्त आहेत. ज्यामुळे आपली रोगप्रतिकारक शक्ती वाढण्यास मदत मिळते गुळवेलीमुळे रोगप्रतिकारक क्षमता मजबूत होते. गुळवेल ही ताप, सर्दी आणि खोकल्याचा त्रास कमी करण्यासाठी रामबाण उपाय आहे. डेंग्यूच्या तापामध्ये आपल्याला शरीरातील रक्तपेशी कमी होतात, या समस्येपासून बचाव करण्यासाठीही गुळवेलचे सेवन फायदेशीर ठरते.

या सर्व रानभाज्या खाल्ल्याने रोगप्रतिकारशक्ती वाढून रक्ताभिसरण व्यवस्थित राहते. कोरोना मुळे रोगप्रतिकारक शक्ती वाढविण्यासाठी या भाज्यांची आपल्या जेवणात आवश्यकता आहे..

ऑगस्ट क्रांती दिन आणि जागतिक आदिवासी दिनाचे औचित्य साधून महाराष्ट्रातील विविध जिल्ह्यात रानभाज्या महोत्सवाचे आयोजन सरकारने केले होते.